لماذا الالتزام بالنشر اليومي قد يكون مضيعة لوقتك؟
هل الالتزام بنشر المحتوى يعني أنني على الطريق الصحيح؟
هذا المقال من وحي نقاش مع صديق في استشارة حول صناعة المحتوى هذا الأسبوع
…
كتير من صناع المحتوى (أفراد أو مؤسسات) بينشروا باستمرار،
لكن هل ده معناه إنهم ناجحين في تحقيق أهدافهم؟ أو إنهم على الطريق الصحيح؟
لماذا خطة النشر لا تكفي؟
الأول خليني أحكي لك عن أول مرة قررت أعمل فيها "خطة نشر".
كنت متحمس جدًا.
فتحت ملف Excel، كتبت أيام الأسبوع، وكتبت فكرة محتوى جنب كل يوم
وبصيت على الملف بفخر..
وحسيت إني أخيرًا هبقى "منتظم" في النشر.
بس بعد فترة، أدركت مشكلتين:
أول مشكلة إن طموحاتي لتحقيق النتائج كانت عالية جدا نتيجة "الجدول الرائع" اللي عملته. وده عمل مشكلة لأن النتائج كانت بعيدة عن الطموح
ثاني مشكلة إن جدول النشر ده أو خطة النشر في ذاتها، مالهاش أي معني إذا مكنش فيه هدف واضح أنت شايفه وعاوز توصل له.
إيه الفكرة اللي عاوز أقولها ببساطة؟
إنك علشان تنجح في تحقيق أهدافك الرقمية
مش محتاج خطة نشر… أنت محتاج استراتيجية محتوى تقولك هتعمل الخطة ازاي!
وتعرّفك أهمية كل قطعة محتوى أنت بتنتجها ودورها في وصولك لهدفك
لو هعمل مقارنة سريعة بين الخطة الاستراتيجية:
خطة النشر
بتجاوب على أسئلة:
تنشر إيه؟ امتى؟ على أي منصة؟
لكن الاستراتيجية
بتجاوب على أسئلة:
ليه تنشر ده أصلًا؟ وبتكلم مين؟
والمحتوى ده هيخدمك في إيه؟
…
خطة = التزام بجدول
استراتيجية = وصول لهدف
…
متى تكون خطة النشر فعالة؟
أولًا: محتاج تحدد هدف واضح قابل للقياس،
مش كلام عام زي رفع الوعي أو زيادة التأثير. لأ: هدف قابل للقياس
ثانيًا: تفهم جمهورك بشكل حقيقي: مش بس العمر والمهنة… لا،
لازم تعرف الآلم اللي بيعاني منه، والأسئلة اللي مش لاقي لها إجابة.
ثالثًا: تصمم أفكار ورسائل محورية وتكررها بذكاء
والتكرار ده من أهم الطرق اللي بتساعدك على تحقيق التمركز، هتكلم عنه بالتفصيل لاحقا
رابعًا: وهي أهم نقطة: تنويع المحتوى حسب الهدف
كل قطعة محتوى لازم تكون في مكانها الصح.
في المقال القادم هجاوب على سؤال: كيف تصنع محتوى يصل لجمهورك المستهدف بدقة؟
تريد حل مجرّب ومضمون لمشكلتك؟ ⬅️ تواصل معي الآن
التعليقات
لا يوجد أي تعليقات لعرضها.
تسجيل الدخولمقالات أخرى
كيف تكتب محتوى يعالج ألم جمهورك ويحقق تأثير حقيقي؟
سؤال بسيط..هل حصل يوم كتبت محتوى ممتاز، وبذلت فيه جهد كبير،لكن الناس مرّوا عليه كأنه مش موجود؟لو حصل، فأحب أقولك إن المشكلة غالبًا مش في المحتوىلكن في المكان اللي جاية منه فكرتك من الأساس.المشكلة في إ
23/06/2025
كيف تتخلص من "النشر العشوائي" وتبني أول خريطة محتوى فعّالة؟
خليني أشارك معاك هذا المشهد، ممكن تلاقي نفسك فيه:أيام كتير أفتح اللابتوب وأبدأ في كتابة فكرة لمقال جديد مثلا وبعدين أتوقف مش عارف أبدأ منين!أكتب عن إيه؟هل أتكلم عن قصة؟ ولا أشرح معلومة؟ ولا أعرض جزء م
12/05/2025
لماذا محتواك الجيد لا يحقق نتائج جيدة؟
كم مرة نشرت محتوى جيد، تعبت عليه، راجعت كلماته عشرات المرات، ثم شعرت أن العالم مر بجانبه كأنه لا يراه؟أحب أقول لك.. لست وحدك.في مايو 2023، لما بدأت صناعة المحتوى، كنت أفتح اللابتوب بكل حماس، أكتب منشو
08/05/2025