كيف تكتب محتوى يعالج ألم جمهورك ويحقق تأثير حقيقي؟

سؤال بسيط..
هل حصل يوم كتبت محتوى ممتاز، وبذلت فيه جهد كبير،
لكن الناس مرّوا عليه كأنه مش موجود؟

لو حصل، فأحب أقولك إن المشكلة غالبًا مش في المحتوى
لكن في المكان اللي جاية منه فكرتك من الأساس.

المشكلة في إنك كتبت عن اللي أنت شايفه "مهم"،
مش المشكلة اللي بيعاني منها جمهور وبيدور لها على حل.

المحتوى ماينجحش لأنه "كويس أو مبهر بصريا"… المحتوى ينجح لأنه يعالج ألم ويح مشكلة

المتابع ممكن يبحث عن معلومة...
لكن التأثير الحقيقي هيحصل لما تعالج له ألم هو بيعاني منه
حتى المحتوى الترفيهي والكوميدي منتشر لأنه بيعالج ألم ورغبة في تخطي الواقع السلبي عند الجمهور اللي بيشوفه

خطوات بسيطة تكتشف بها ألم جمهورك

• اسأل قبل ما تنشر.

  • اعمل استبيان صغير.

  • اسأل جمهورك: "أكتر حاجة بتحس إنها معطلاك؟"
    

• اقرأ ما بين السطور.

  • راجع التعليقات، الرسائل، الإيميلات… مش بس الظاهر.

  • دور على الجمل اللي فيها ألم دفين:
    "بحاول من زمان ومفيش نتيجة."
    "حاسس إني مش مفهوم."
    

• اتفرج على نفسك زمان.

  • راجع النسخ القديمة من نفسك، وقت ما كنت بتعاني في بدايتك.

  • الألم اللي كنت فيه… هو نفس الألم اللي بيعيشه جمهورك الآن.
    

ابدأ من الألم واكتب عنه…
هتلاقي المتابع بيقول:
"هو عرف ده منين؟ هو شايفني؟"